— 83 —
|
Diwallet holl dud ho parouz
Ouz a bep reuz hag anken ;
Gret d’ê, eun de, Mam vat ha dous,
Kât evrusted da viken !
|
————
KANTIK SANT IVI
————
Ton : Hon c’hanaouen a zo dister, Ni ’zo pesketerien baour
Parousianiz Logivi,
Kasomp, a greiz hon c’halon,
Hon feden ’trezek sant Ivi,
Hon zad hag hon zant Patron.
Diskan
O sant Ivi, eus lein an Nevo,
Diwallet ho pugale ;
Miret en o c’hreiz ar Fe grenv
Ha kennerzet o ine,
Ewit ma chomfont bepret
Kristenien, gwir Vretoned ! (Diou wech)
Ho mam Nona oa eur zantez,
En he c’hreiz start ar greden ;
Gret ’devo ar vugale gez
Eveldoc’h mammo kristen !
C’houi ’pad ho yaouankiz ken fur,
Bezet skouer an dud youank,
Bezet o sklerijen, o stur,
’Wit ’gouefont ket ’barz ar fank.
|
