Pajenn:Goasdoué - Kanaouenno en yez Treger.djvu/70

Eus Wikimammenn
Adlennet eo bet ar bajenn-mañ
— 60 —



E pad ho pardon, Gwerc’hez Vari,
Digoret ho kalon frank-frank
Ewit binnigan kement-hini
Ho pedo, koz kouls ha yaouank !

Arôk kwitât Iliz Gwir-Zikour
Savet a-us d’eun draouien don,
E-lec’h e ruilh an Treo e zour,
E kanfomp holl a greiz-kalon :

diskan diwean

Klewet ho Pretoned, Mam garet,
Itron Varia Wir-Zikour ;
Gweloc’h eo d’imp mervel ma ve ret,
Ewit bean eun de treitour !
(Diou wech).

————


PEDEN D’ITRON-VARIA GWIR-ZIKOUR
————


Ton : Kloareg Rumengol.


Itron Vari Wir-Zikour,
Mam vat, Mam a drue,
Lezet da gouean an dour
A freska an ine,
Dour ar c’hras, dour ar pardon
A c’houlennomp herie
Ewit ma vo hon c’halon
Divlam dirak Doue.

Gras-Doue en hon c’halon,
’Vefomp, o tra souezus !
Gwir vugale d’Ec’h, Itron,
Ha breudeur da Jezuz,