Pajenn:Goasdoué - Kanaouenno en yez Treger.djvu/15

Eus Wikimammenn
Mont d’ar merdeerezh Mont d’ar c’hlask
Adlennet eo bet ar bajenn-mañ
— 5 —


War ribl ar mor, er c’hroaz-hencho,
Fe hon zud koz ’zave kroajo !

Ha gant petra ar Vretoned.
’Stlabeas dre o bro garet
Burzudo a zisfi herie
Neb a glaskfe ober ’velte ?

Eun dra hepken ’re d’hon zado
Ober, evel ma rent, burzudo :
Karout a rent, ha war eun dro,
Doue, ar Werc’hez hag o bro !

Staget ouz Franz, hon bro garet
He deus bepret d’ezi roet
Mado a vern, hag, en tu-hont,
Hep ’n em glem, bugale sof-kont !

En gwirione, ha n’eo ket Dreiz
A ra d’ar Franz, bep bla, a-leiz,
Martoloded ha soudarded,
’Vel dre ar bed na gaver ket ?

En gwazïo he bugale,
E ve gwad yac’h, ’n o chreiz ’ve fe ;
Ze ’zo kiriek, pa ve brezel,
E vent dispont betek mervel !

Ha Franz, ziouaz ! glask en distro
Mougan ar fe ’n hon c’halono !
Biken !… Broïz, bezomp bepret,
’Vel hon zud koz, penno kalet !

Ha difennomp, holl unanet,
Enep d’ar fall, d’ar C’hallaoued,
Hon yez, hon Fe, gant Franz mac’het ;
Diskouezomp ’omp gwir Vretoned !