| Quatrième année | N° 2 | Mars-Avril 1903 |
| Pevare Blavez | (2e Volume) | Meurs-Ebrel 1903 |
| 1. 2. 3. 4. 5. 6. 7. 8. 9. 10. |
Amzer santel ar C'horeis, ar Bassion, ar Pasc........................................ Peden ar Vinorez.................................................................................... Eur brezegen e creiz eur c'hoat.............................................................. Kantic da Zant Joseph............................................................................ Maro Yvonic en arme.............................................................................. Ar gosni e tostat..................................................................................... Ar goabren zu......................................................................................... An heol ag an avel.................................................................................. Proverbes............................................................................................... Phrases bretonnes................................................................................. |
33 42 46 48 49 51 54 56 58 62 |
Er mare m'en em gavo Feiz ha Breiz gant he lennerien e vezor er penn divêza euz ar C'horeis, en amzer ar Bassion, var ar poent da veled e tigêri gouel Pasc, ar brassa gouel ho deus ar gristenien epad ar bloaz. C'hoant hon deus da zisplega e berr gomzou eun nebeud sonjezonou a zigass var hor spered an amzer santel-mâ, evel ive eun amzer all a blij da Zoue ha d’an dud digêri var Ilis Franç, hor bro meurbed cared, ha var lod euz he bugale.
Guelomp da genta petra eo ar C'horeis. Ar ger-ma a deu euz ar ger Italian Quaresima, ag a deu he-unan euz al latin Quadragesima : ac’hano ive e teu ar ger galleg : Carême : Ar pevar ger-ze a lavar ar memes tra : daou ugent devez. Lavared a reor din ez eus 46 devez : red eo taol evez epad c'huec'h sul ar C'horeis n’euz ket a yun : ag evelse n’eus nemed ar gount : evit caout an niver deveziou-ze, eus ranked disken beteg Merc’her al Ludu.
Perac e rear Coreis ? Da genta evid bale var roudou hor Zalver Jesus-Christ ag a zo deued var an douar evit deski
