Pajenn:Ernault - Gwerziou Barz ar Gouet.djvu/270

XXIX

EURUSTED

(Sonet)

――――――

YEZ LEOUN

Cum dederit dilectis suis somnum,
ecce hæreditas Domini, filii.

(Psalm 126.)

Pen devo an Autrou roet

Ar c’housk d’e re vuia-karet,
O bugale, frouez e vennoz,
A zalc’ho leac’h ar c’herent koz.

Pa vez achu an deiz hag e bennad labour
Ar pen-tieg laouen a zistro en e di,
Ha seder en em ro d’ar c’housked flourik-flour
O c’hortoz an heol kaer da zont d’hen dihuni.

E vuez c’hlan a red evel eur oazig-dour ;
Sonj ar maro a zo evitañ eun dudi :