Pajenn:Duhamel - Kanaouennou Breiz-Izel.djvu/45

Eus Wikimammenn
Sauter à la navigation Sauter à la recherche
Adlennet eo bet ar bajenn-mañ
29


AN DURZUNEL


Les partitions musicales sont temporairement désactivées.


Kalz amzer am eus kollet, o furchal ar c’hoajou,
Evit klask an durzunel kousket war ar brankou.

Devet am eus ma amors, ha tennet am eus fall,
Achapet an durzunel, ha nijet er c’hoad all !

Diouz an noz hag ar mintin, e klevan laboused,
O kana, o fredoni, war vek ar gwe pignet ;

Mez n’eus nikun aneze hag a bik ma c’halon,
Evel mouez an durzunel o ouela d’he mignon.

Hirvoudi a ra noz-de gant ar boan, ar glac’har,
Evel eun intanvez paour, kollet ganthi he far.

He mouez a zeu betek d’in, hag a zo glac’harus ;
Ha me da c’houlen ganthi he foaniou truezus.

« Petra, turzunel yaouank, a dourmant da galon ?
— Kollet am eus, emezhi, ma fidela mignon !

» Ma na zeu eur chaseour da ober d’in mervel…
Me ’varvo gant ar glac’har da ma mignon fidel !

» N’eus na souten, na remed, na konsolasion,
Barrek da zont da galmi ankeniou ma c’halon.

» Trec’het on gant ar glac’har, mond a ran da vervel.
Mez na varvin ket kontant mar na varvan fidel ! »

Gwelet am eus o vervel an durzunel yaouank,
Dizec’het eo ma c’halon gant ar poan, an tourmant !

En he huanad diveza he deus c’hoaz lavaret :
« O ma gwir vignon fidel ! » Raktal eo tremenet…

Melezour skler ha brilhant eus ar fidelite,
Te zo ar skuer ar gwira demeus ar garante.

Nan, na varvin ket kontant mar na varvan fidel !
Birviken na zizonjin maro an durzunel…

————
Chanté par M. Caurel, Saint Nicolas du Pélem