bout absolumant punisset, pé dré penigen er péhour en dès ean commettet, pé dré un Doué a zou bet offanset. Ma ne hum bunisse er péhour ar en doar, justice un Doué er punissou durand un éternité. Er pehédeu ne veint quet bet golhet dré en dareu a benigen, a vou punisset dré en tan ag en ihuern, pé d’er bihannan dré er flam ag er Purgatoér. Choéget petra e hoès d’obér.
Allas! goud a ran erhat é hon péhour, ha péhour bras, me honsciance er rebreiche assès deign, ha neoah ne mès jamæs chonget a obér penigen ; ne mès jamæs désavouèet en obligation-zé, ha neoah jamæs ne mès hé fratiquet. Mé mès hum goutantet a laret ur beden benac a rai deign me Hovézour, ha nitra quin. Ha me éel credein é veign pardonnet guet Doué eit ur benigen quen distér goudé pehédeu hemb nombre ? Petra ! er Sænt, péré a zou bet eurus assès eit gouarn ha conservein bed er marhue er santeleah hac en innoçance ag er Vadient, en dès groeit perpet ur benigen rust ha calet ; ha mé, péhour malhurus, mé mès clasquet perpet me æzemant, me homodité ha me fligeadur ér bed. Ah ! mal é quittat men dalledigueah : péhour e mès bihuet, mal-è, guet græce men Doué, commance gobér ur vèritable penigen er rest a me amzér.
