Adlennet eo bet ar bajenn-mañ
Neuze e wel diou vaouez wenn o tisplega lien war ar broustou.
— Petra d’eoc’h beza ken divezad er foenneg va merc'hedigou koant ?
— Emaomp o walc’hi, o sec’ha, o c’hriat, eme ar genta.
— Emaomp o walc’hi, o sec’ha, o c’hriat, eme an eil.
— O walc’hi petra, o c’hriat petra, merc’hed koant ?
— Linser an hini maro a gomz hag a gerz evit c’hoaz, linser Yann Postik.
Yann a c’hoarz leiz e gof hag a ya pelloc’h.
————
Ha klevet a ra golvisier ar c’hannerezed noz
o tregerni war vein an douez ; o gwelet a ra, o
unan, dizale, o walc’hi, en eur gana o diskan
klemmus :