Pajenn:Dastumad - Bleuniou-Breiz.djvu/130

Eus Wikimammenn
Adlennet eo bet ar bajenn-mañ
— 126 —



Mes hen d’he zreid en em strinkas,
Ha d’he dornik flour a bokas,
Hag he chalmas dre he zellou
Karghet a dân hag a zaëlou.

Heb gout ar pez a dremene
Neuze, eur pennad ac’hane,
En he balès, ar Roue koz
A voa kousket e kreiz ann noz.

Kampr paour Gralon ne voa enn-hi,
Netra nemet eur grucifi
Deuet a zorn eur mignon ker,
Sant Caourantin, Eskop Kemper.

Netra nemet eun Aviel,
Roët c’hoas gant eun den santel,
Roët d’ezhan gant Gwenole,
Evel eur merk a garante.