Pajenn:Congres celtique international.djvu/442

Eus Wikimammenn
Aller à la navigation Aller à la recherche
Adlennet eo bet ar bajenn-mañ


IEZ BREIZ,

BARZONEK,

Savet gant F.-M. ANN UHEL

————


I.

Iez hon tadou, iez benniget,
A bep-amzer komzet ’n hon c’hreiz
A vihanik ’m [euz] da garet,
Rag te, iez koz, eo buhez Breiz !


II.

Te ’m euz karet, hag a garinn,
Iez kaer hon zent, iez glan hon feiz,
War ar bed keït ha ma vevinn, —
Rag te, iez koz, eo buez Breiz ! —


III.

Te ro d’in iec’het, pa venn klan,
Te laka skler ha glan ann deiz,
Iez Taliesinn ha Gwenc’hlan, —
Rag te, iez koz, eo buez Breiz ! —


IV.

Pa ve ma speret ankeniet,
Ha glac’har em c’halon e leiz,
Gant eur zonik ’venn diboaniet, —
Rag te, iez koz, eo buez Breiz ! —