2.° An Ine hac e zeir phuissanç, imach sensibl eus an Drindet.
3.° Ober aliès acto a fe voar ar Myster bras-mân, acto a adoration hac a humilite.
III Quentel.
Voar ar Gredo.
Suit eus ar 1. Art. Croüer dan Eên ha dan Doüar.
G. LAret ared eo Doue Croüer dan Eên ha dan Doüar, ha nen deuss-ân croüet nemert an Eên hac an Doüar ?
R. Croüet en deus ive an Æle, an dud, ha quement tra so tout.
G. Piou eta en deus o croüet ?
R. An autrou Doue.
G. Petra o c’heus-u bet digant ho croüer ?
R. Eur c’horf mortel hac un ine immortel.
G. Petra signifi eur c’horf mortel, hac un ine immortel ?
R. Da laret e ar c’horf a varvo, mæs an ine ne ell quet mervel, hac a bado biquen.
G. Evid petra oc’h-u croüet gant Doue ?
R. Evid e anaveout, e garet, hac e servigi er bed-mân, ha dre ze beân evurus gantân er bed-all.
G. Penos e veomp -nîn evurus gant Doue er bed-all ?
R. О voelet Doue, ous e garet, hac o jouisân eternelamant aneân.
G. Laret ared en deus croüet Doue an Æle, petra eo an Æle ?
R. Sperejo int, croüet gant Doue evid e c’hloar hac e servich.
