Ur mab, ur verc’h vertuzus
A so d’o zud eurus,
Er gozni eur voalen,
E peb amzer o enor,
O flijadur, o zenzor,
En Eê o c’hurunen.
Eus va instruction,
O ! tud yaouanc, bremâ
Evit conclusion,
Clêvit mad quement-mâ :
Ha c’hui a euteur miret
Pur ho corf hac ho speret,
Clêvit, clêvit eta ;
Lacat evez, ha tec’het
Diouc’h dangerou ar pec’het,
Chetu’r voyen guenta.
Taolit eus ho speret
Pront ar goal songeson,
Dalc’hit outi serret
Bepret dôr ho calon ;
Endra m’er serpant bian
Bruzunit e benn buan.
Allas ! oc’h invori,
E savo en un instant
Ar serpantic da serpant
Evit ho tevori.
Fragil hac izomec,
Suppliit hon Autrou
A so oll c’haloudec
Da rei deoc’h sicourou ;
Ho pezet ato memor
Eo e zaoulagat digor
Varnoc’h ato bep tro,
Evel Suzanna gueichall,
