44
Canticou spirituel
|
Mallos d’ar c’hartou, d’an dançou,
D’ar c’hoariou, d’an nosveziou ;
Mallos d’ar guin ha d’an dud fall ;
Zo bet occasion d’hor goal.
Pec’her, pec’heres, ha te gleo
Ar pez a dle padout ato ;
Gra pinigen hep differi ;
Pe autramant divezat vezi.
|
NAOVED CANTIC.
Var ar malheur eternel eus ar re zaounet. Var ton : Va Doue leun à drugarez.
|
O Moment à blijadur, moment à joaüsdet,
A boan grê tanveat, ha kerquent tremenet ;
O pe guer quer e coustit, mar bezit criminel,
Pa ranc an den ho prena dre ur boan eternel !
Eternite à valeur ! Ennes eo an termen
Evit beza enouüs pa na finis biquen.
Beza da jamès nec’het gant pep seurt malheuriou ;
Beza da jamès beuset en ur mor à boanniou.
Beza da jamès ar priz eus à goler Doue ;
Beza bepret adversour, siouas ! d’e vajeste,
Beza bepret en trubuil, en spount, hac en horror ;
Beza bepret en arrach, en counnar, en furor.
Regreti evit jamès hep obteni pardon,
En em glem evit jamès hep consolacion,
Atao hirvoudi, crial, ha lênva en tourmant,
Hep jamès caout nep sicour na nep soulajamant.
Rancout beza da jamès en eun devaligen,
Eleac’h ma vezo eun nos a bado da viquen.
Jamès ne vezo guelet deiz nac heaul o para,
Jamès quen goulou nemet flamou an horrupla.
|
