119
Canticou spirituel.
PEVARE-A-TREGONT CANTIC.
Reglamant a vues, evit perseveri e doujanç Doue hac en e garantes. Var an ear gallec : Venez, venez, Esprit saint, dans nos cœurs.
|
Evit beva e graç Doue bepret,
Eo necesser cundui ur vues reglet ;
Oc’h implija ervad an oll amzer,
Chetu amâ ar fæçon d’e ober.
Boasit bemdes da sevel mitin-mad,
O vont abred da gousquet dious ho stad ;
Mintin-c’houlou d’am c’hlasq nep à savo,
Eme Zoue, a dra-sur am c’havo.
Songit e Doue quenta ma tihunit,
Hac ho calon dezan neuze offrit ;
Grit sin ar groas gant an dour benniguet,
Ha savit pront hep diegui ebet.
Quemerit prest ha modest ho tillad,
O lavaret un Oræsoun bennac,
Evel ma ve Gourc’hemennou Doue,
De profundis, hac ar Miserere.
Goude, dirac Imach ar Grucifi
Hac an Imach eus ar Verc’hes Vari,
En em liquit devot var ho taoulin,
Evit ober ar beden dious vintin.
Adorit ha trugarecaït Doue,
Ha goulennit pardon ountâ ive :
Offrit dezâ ho terves hed-ha-hed,
Ha pedit-èn d’oc’h assista bepret.
It, mar guellit, bemdez d’an Oferen,
Ma contantot an Autrou souveren ;
|
