Adlennet eo bet ar bajenn-mañ
GUERZEN EN EOTROU NOUEL
(Gouryeh Groé)
————
Ar don : « Guerzen en Inéanùeu »
Deit, O Groayis, ha chiléùet
Our uerzen neùé-so zaùet,
O mem brois deit de chiléo
Our ùerzen béor greit get dareo.
D’en oad a zew-uigent ha eih
E kreiz er blay nandek-kant seih
Miz Evén, er bouarzek, e oay,
Our bèleg e zo marw é Groay.
Er hloh én tour e zonné garw :
En Eotrou Nouel e zo marw !
Hag, a p’hi hleuent, get er spont
En oll e chomé heb respont.
