Pajenn:Calloch - A Genoux.djvu/154

Eus Wikimammenn
Sauter à la navigation Sauter à la recherche
Adlennet eo bet ar bajenn-mañ




III

« Loquere, Domine, quia audit servus tuus. »

(I Reg., — lib. SAM, — III, 10.)

————


Konzet, konzet, me Mestr : Hou meùel e cheleu.
Me saùo, me gerho. Lareit d’ein men monet ;
Sturier dispar, léùiet mem bag én argolleu,
Ha me veulo Hou Hanu émesk er Vretoned.

O Jézus, deit de chom énonn de viruikén,
Hag é hoarhinn é kreiz er fru, pe saùo béh ;
Me zougo heb um glem me sam koh a ankén,
Hag é kanninn eidoh éneb d’er Bed abéh.

Meit n’em delézet mui !... Pe skoei en dioanag
Arnonn, doh me mouéh beur, o ! ne chomet ket bouar ;
Dalhet me sell d’her hlué ha d’er hlué, bepred, rag
Men deulegad ’ra poén dehé guélet en Douar..,