Adlennet eo bet ar bajenn-mañ
Ha kousket hon ès ér memès guélé ;
Ha Doué e ras d’emb deu a vugalé,
Doué e gasas d’emb ur mab hag ur verh.
Me mab e zo bet badiet Glahar,
Ha me merh e rér er Fé anehi...
Anzaùet em és me fried, m’hé har,
Youank hé havan, ha koant, ha heb par,
Ha hi zo félan ataù él ur hi :
Anzauet em és me fried. M’hé har.
Baléein e ramb breman dré en Douar,
Me moéz doh mem bréh, me mab ar me skoé,
Hag ar me halon me merh e bed Doué.
É meur a gornad éh omb bet hon pouar :
Euriou kun hon ès, déieu garù eùé...
Hag ar me halon me merh e bed Doué.
