Adlennet eo bet ar bajenn-mañ
Raksé, pen das er Guir Lézen ag er Retér,
Pe gleùas men Gouen beur gourhemenneu er Hrist
Pe anaùas en Aviél lan a zoustér,
Ul leùéné divent ’grénas ’n halon trist.
Tam ne harzas oh Anù Jézus, — o, tam erbet !
Henneh e vo bepred inour hon tadeu-ni :
En oll broieu aral merhérion ou dès bet,
Keltia hi-hé-unan n’ hé dès chet groeit hañni.
Hi, hag e hoarhé kent diar furnéh Hellas,
’Hloestras d’er Gréden-man hé bugalé ùellan ;
Oh treid Doué er Halvar hé hléan-houarn hi ’daolas,
Ha hed er hantvléieu ohton ’ma bet félan.
Énéberion hé Doué zo deit de vout hé ré ;
Eiton hé dès kerhet d’en emganneu eahus,
