Adlennet eo bet ar bajenn-mañ
83
divinadellou
Ivona
Oh ! m’he garje avad. Allaz! n’euz gir aze,
Ha diouc’h ar pal, tadik, c’houi bella adarre.
Loranz
Ac’han ! me a zivin. Lavaret e deuz did
Hon euz Laouik ha me komzet eun tam diouzit.
Ivona
Krak ! deut an taol ganeoc’h. Paria ze zo gwir ?
Loranz
N’oun ket vit laret nan.
War a welan, te vir
Eur plas en da galoun vit an aotrou kure ?...
Ivona
Choui ve, mez’aoun, tadik, stad braz en hoc’h deuz-se.
Petra neuz laret hen ?
Loranz
Divin brema d’az tro —
Ivona
Me oar en taol kenta : oan eur vez vid ar vro ?
