10
ar verc'h vihan hag an tad koz
|
Ivona. Flam hi liou ; hi beg eur gerezenn ;
Hi diou jod henvel beo d’an diou gaera rozen ;
Gwen vel an erc’h hi zal ; he lagad lem ha glaz ;
Hi bleo du rodellet divar he c’herc’hen noaz
A gouez a vouchadou izelloc’h he zargreiz
Vefe eur blijadur paka gant pevar biz.
Daou renket dent ker gwen, ker bihan, ker koantik
Ma rofe eun he viz da gregi d’ar plac’hik ;
Hi dorn ave laret hini eur varkizez,
Ha biken bravoc’h troad n’e deuz bet eur brinsez.
Med koanteri hi c’horf a zo nebeut a dra
E kenver vertuziou ha furnez Ivona.
Hi dillad zo dister, med ker fresk ha ker net
Mar geuz c’houez mad ganthei, ha joa gwir ho gwelet.
Dre hi labour en de, hag alies en noz
He talc’h an ti en urz ha lirzin hi zad koz.
A hed eman ar verc’h o ferra, ampeza,
O walc’hi, o c’hrouiad, Loranz da Ivona
|
