Adlennet eo bet ar bajenn-mañ
99
eur zac'h
Oc’h pen unan deuaz war nij hag hep distro
Da ziskouez e gwirion ho levenez dezho.
Int silaou sioulik, ha didrouz responte
Da pob tra gant furnez ha dreist holl hep fouge.
Choum rejont, e de se, ho daou koantik e ti
Da zonjal, da zelloud a nevez, da bedi ;
« Rak vit eun dra a boez evel maz e heman,
« Eo hom dever poeza ha menna mad kenan,
« Peden daou unanet dirak tron an envou
« Neuz digemer kaeroc’h e palez an Aotrou »
A lare an tad koz d’he verc’hik Ivona.
An elik oa re fur vit mankout da blega.
Oh ! ar beden zo mad, hi ro ar sklerijenn
D’an ine enkrezet kreiz an devalijenn.
Ivona zant eur peoc’h brasoc’h en he speret,
Ha na vesteodo tam d’ar ginnig a vo gret.
