An diou c’hoari, marvad, zo kenitervezet
Eun all gav marteze int zoken c’hoarezet.
Vit sur, nag an eil nag eben
Na ziskaro hi c’hoarz da zen.
Hag an eil hag eben ro kuzul d’ar baotred
Da lakad evez mad kent ober eun torfed,
Ha da choum hep c’hoari a grenn,
Ma nouzont sacha ho spillenn.
Da b’hini rei ar maout ? Nebaon, ze ne ket eaz.
Lod gar beza ebarz, lod kaout ho.. fri emeaz.
Velken, me gav d’in, Tregeriz
Ro lamm da aotrounez Pariz.
