Pajenn:Cadiou - En Breiz-Izel.djvu/24

Eus Wikimammenn
Adlennet eo bet ar bajenn-mañ
20
Kasimodo



Bete-goud e deufe an dour
Da zistrempa ho pegik flour,
Hep dale d’ec’hwi me gounto
Peger koant oa Kasimodo.

Kavet en doa, nez eun aoter,
Eur beg henvel ouz an hanter
Euz eun o rannet en daou damm ;
Eur chouk tort iskiz ; diou c’har gamm :

Eul lagad treuzet, dizamper ;
Eun tal moal ; eur fri tougn ha berr ;
Pemp kant bleven ruz ha melan ;
Peziou treid hir ; plat ha ledan ;

Petra c’hoaz ! Ato, diou grogenn
San Jakez, en peb tu d’he benn ;
Ha, dreist ar marc’had, eur pez dant
Evel m’hen deuz an olifant.