Adlennet eo bet ar bajenn-mañ
Son Ann Névez-Amzer
Da Jeromik, Euz à Gher-Véghien
EUNN TRÉMÉNIAD.
Sétu ann névez-amzer,
Pé-trâ ganit-hu, mézer ?
Méserik kez, pé-trâ gan
Al labousik war al lan ?
AR MÉZERIK.
Al labous gand lévénez
Gan ha gan hé vignonez ;
El lan, ével péb labous,
Péb mézer a gan hé zous.
ANN TRÉMÉNIAD.
Gwell-a-zé ! Kanid ataô !
Né kéd hîr ann amzer vraô.
Karid mâd ha kanid stank,
Laboused ha tûd iaouank.
————
