Pajenn:Bocher - Bleuniou Yaouankiz.djvu/61

Eus Wikimammenn
Mont d’ar merdeerezh Mont d’ar c’hlask
Adlennet eo bet ar bajenn-mañ
33
pardon ar goz-yeodet


Evit mont d’ho kwelet d’ar vro meurbed karet,
Elec’h ’man ho chapel, Itron ar Goz-Yeodet ?
.......................................................................

Burzud ! buhan e kerz an avel,
Mont a ran a-dreuz d’ar c’houmoul,
Dindan-on mene ha tour uhel,
Traouien, keriaden ha ti-zoul,
A dremen evel luc’hedennou…
A boan gwelet, kerkent kollet !
Nijal a ran war ar gwabrennou,
O Gwerchez, ech an d’ar Yeodet !
Setu Ploulec’h… Aman Kerninon,
Poul-Ankou, ar vilin-avel,
Breman e klevan sklintin o son
Mouezig ken drant kloc’h ar chapel ;
Biskoaz ken kaer-all — red eo laret —
N’am eus klevet moueziou kleier,
Gant mouez ar c’hloc’h ez on frealzet,
Ma spered a zo dibreder !
Doue ! Ar môr braz, frank ha divent,
O sailhat en bae Lanhuon…
O môr ! da welet ran evelkent,
Pebez dudi vit ma c’halon !