Pajenn:Bocher - Bleuniou Yaouankiz.djvu/387

Eus Wikimammenn
Adlennet eo bet ar bajenn-mañ
359
dirak eur be



D’he c’homz fur ar peuc’h a deue
Hag an ebad a hadkroge,
Mar vane unan da vouza
Hi a deue d’hen kennerza…

Sonj ar blaveziou tremenet,
Ha me war he be daoulinet,
A lake ma glac’har krisoc’h
Ha ma daerou da ruilh puilhoc’h…

— Nan, nan, arabad chom aze,
A waz ’vi goude, marteze,
N’ankoua ket ec’h out o sevel [1]
Diwar eur c’hlenved, ma bugel.

Ha warlerc’h ali mam ha tad,
E kwitaïs gant kalonad,
En eur drei eur zell diwean
War ve didrouz ma c’hoar henan…

— Kousk aze en peuc’h, c’hoar garet,
Na vi birviken ankouaet,
War da ve gwenn zul, gouel, pemde,
E taoulinfomp gant karante.

  1. D’ar c’houlz-ze e tizroen a Doulon.