Pajenn:Bocher - Bleuniou Yaouankiz.djvu/32

Eus Wikimammenn
Adlennet eo bet ar bajenn-mañ
4
hano ar barz



Tostât a rent, ya, ken founus
Hag eul lestr war ar môr
Pa c’houe mat an avel nerzus
En e weliou digor ;
Ma bleo war ma fenn a zave,
Boemet oan gant ar spont,
Ma c’halon em c’hreiz a lampe,
N’ouveen pelec’h mont…

— Henvel beo int eus skeudennou,
Gwisket ez int en gwen ;
Marteze ez int zeblanchou ?
…Gwall hir eo o banden ! —
Mes petra ’ta a welan-me,
Kollet ’m eus ma spered ?
Gwir awalc’h eo, o ma Doue,
’Ve ar re-man Barzed ?

O ma Jezus ! netra wiroc’h !
O gwelet ran breman
Dirak ma daoulagad kaeroc’h
Eget an dra gaeran ;
Holl en o dorn deo e talc’hont
Eun delen alaouret,
Ha war o dremmou e tougont
Liou an evurusted.