Ar Brezoneg a vevo bepred :
Bevet ar Varzed, bevet ar Varzed !
Pa digoue d’eur Barz kousket war e erv,
Pa gouez e gorf dindan an derv,
E krog eur Barz all kerkent ’n e delen
Hag a stenn start d’ei he c’herden,
Da gana nerzusoc’h d’ar C’helted :
Bevet ar Varzed, bevet ar Varzed !
Tra ma vo Barzed ebarz ar vro-man,
Ar Vretoned vo ar gwellan,
Ar galloudusan en touez ar poblou,
Ar furan en touez an dudou !
Tud a greden start, pennou-kaled,
Bevet ar Varzed, bevet ar Varzed !
