Pajenn:Bocher - Bleuniou Yaouankiz.djvu/104

Eus Wikimammenn
Mont d’ar merdeerezh Mont d’ar c’hlask
Adlennet eo bet ar bajenn-mañ
76
mennoziou-eured



Ganit hi he deus bet eun den euz ar reisan,
Mad dreist ar re wellan, fur dreist ar re furan !
Da spered a zo eon, da galon zo kristen,
Ganit hi he devo bepred evurusted :
Rag eur c’hristen hepken
A zo eur gwir bried !

En tu-hont da ze c’hoaz hi zo seder da vad,
Bezan ez out ouspenn eur poanier, eur Breizad ;
Eur Breizad… Penn-kaled pa fell difenn ar Gwir !
Ganit hi a dreuzo hep spont môr ar vue…
Rag ar c’halonou dir
Na vent ket kâd bemde !

D’ac’h ho taou, mignoned, d’ac’h ma gourc’hemennou,
Ra vo hent ho pue goloei a vleuniou ;
Ha mar teufe Doue, eus kreiz e garante,
Da zigas en ho ti kalz a evnedigou,
Ra vefont holl neuze
Henvel ouz o zudou…

Bevet eta seder, ha pa deuï ar Maro
Da hencha ac’hanoc’h en trezek ho kwir Vro,
Ra zeuï d’ho tigemer en porched an Nenvou,
Holl Zent koz Breiz-Izel hag ho kerent karet ;
Setu ar mennoziou
A gas d’ac’h Ar Yeodet.