Pajenn:Berthou - Dre an delen hag ar c horn-boud.djvu/16

Eus Wikimammenn
Kadarnaet eo bet ar bajenn-mañ
— 8 —


II


KLEMVAN WAR AR VARTOLODED


C’hoarvezet eo ar miziou du :
Gantê ’r gwall-amzer ’zo arru,
An amzer garo, didrue,
’Vid ar re ’zo er-meaz bemde.

En fulor an deiz hag an noz,
Hep eun dale, war ma zi kloz,
An ti koz a glemm hag a gren,
E klevan ’n avel o tremen.

A-wechou ec’h arru sïoul
Hag e c’houistel zard ouz peb toull,
Mez e nerz a dastum rak-tal
Da lampat ’vel eun aneval.

Ar gwe braz ar muian nerzuz
’Zo gweet gand al loen spountuz ;
Hag an tier, war ar c’hrec’hiou,
Eo diframmet o zouennou.

Nijal ’ra ’n deliou hag ar plouz
A-dreuz d’an oabl gleb, leun a drouz,
A drouz hag a dewalijen
En troïgel ar gourventen,