Adlennet eo bet ar bajenn-mañ
Alanik
Allas, allas !
Kristol soéhet bras
Ché !…
Alanik en ur huañnadein.
Ha !…
Kristol
Petra ! Er mein !… Er mei…
E gonz !… Kleuet em es ur mén é konz dohein !
Hama !… Mes nag er mestr ?
Alanik
Mé é, Kristol, mé é.
Kristol
Hui ! Emen ?
Alanik
Amn ta !
Kristol
Edan er ménhir-sé ?
Alanik
Ia.
Kristol
Pesort chonj e zou deit t’oh, er mestr !
Alanik
E ma
En trezol étré men dehorn, mes…
Kristol
Mes… petra ?
Alanik
Eit ma hellein disoh geton, Kristol, ret é
Lakat er mén bras ma d’hum dennein a kosté.
Kristol
Ne hellein ket, er mestr !
Alanik
Mont e hrei é unan.
Kemér hempkin ur bégad deur ag er fetan.
Kristol, en ur gemér ur bégad deur.
Chetu, er mestr !
Alanik
Azé bremen ha chom elsé.
Kristol, azéel ar ur mén, en deur en é vég.
Hun, hun !
Alanik
Chom mut, ne vern petra e huélei té.
