Adlennet eo bet ar bajenn-mañ
— 46 —
SOARA
Me lar d’oh,
En niù vag e oé bar, ne hellent bout lañnoh.
Nag a bisked, men Doué beniget, ré bihan,
Ré tiù, koveu ker guen èl en argand guennan,
Ré glas, ré penneu ru get pluskad aleuret.
Ur ialhad mat e hues sur erhoalh gounidet
Hiniù !
IEHANN
Ia, mes chetu pemzek dé-so tuchant
Ma ne hremb mui nitra.
ER RÉRAL
A !
IEHANN
Dam ia ; en argand
E ia kuit, rekis é ma tei arlerh endro.
SOARA
Ind e laré ataù é oeh é ridek bro,
Te vrér ha té, get ur profet iouank saùet
A Nazareth…
IEHANN
Pastè ; amen é omb chomet,
Mes ne glaskemb ket mui pisketat.
En ur vonet aben d’en ti.
Hé, Joram,
Des ta, des de sekour genein skañnat me sam.
JORAM ar en trezeu.
Re beur omb eit prenein pisked ker braù.
