Adlennet eo bet ar bajenn-mañ
— 44 —
MÉALA
Ha hui e huerh bremen pisked fresk ?
IEHANN
Ia.
MÉALA
Dalhet
Dré er réral ?
IEHANN
Drézomb, ia… drézomb : chom e hret
Bamet, ma ?
MÉALA
Sur mat.
IEHANN, en ur lakat er banér ar en doar.
Hama, chetu petra
E zou arriù ; en noz treménet, hemb nitra
En hur roédeu, doarein e hremb, mem brér ha mé
Ha ré Jonas… Unan, ar en aud, hun gorté
Hag e laras : « Taulet hou roédeu. » — « Mestr, emé
Simon, poéniet hun es en noz abéh… Mar dé
Hou chonj neoah, sentein e hremb. » — Kentéh taulet
Ni e den hun roédeu ker lan men dé karget
En un taul en niù vag.
SOARA, arriùet ur momand kent.
Fé ia, chetu ! É oen
Mé ar en aud p’ou des doaret ; pisked er len
E zou deit rah geté.
IEHANN, en ur hoarhein.
Pas elkent !
