Adlennet eo bet ar bajenn-mañ
— 256 —
JUDAS, a kosté.
Krénein e hren !
Pe vehé bet oeit kuit hemb rein ur sel d’er bé !
JÉSUS, dirak er bé.
Lamet er mein !
BENGABER
Guélamb.
MARTHA
Rabbi, chetu piar dé
Men dé bet dichennet én doar… Blazein e hra.
Ne dostet ket d’er bé pe zigorou.
JÉSUS
Petra !
N’em es chet laret t’oh penaus, kent ma koéhou
Eit mat en noz ar er ré varù, hui e huélou
Gloér Doué é ligernein ?
En ur seùel é zeulegad aben d’en nean.
Me Zad, trugèré d’oh
Rak ma hues cheleuet me feden ; rak men doh
Eurus de me cheleu é pep léh ha dalhmat.
Nen dé ket eidon-mé en hou pedan, me Zad,
Mes eit er bobl e zou amen, — eit ma kredou
É ma Hui é en des men davéet… Revou
Guélet peger kriù oh !…
aben d’er bé.
Lazar, ér méz !
ER BOBL
A ! A !
Guélet e hrér Lazar é seùel ag er bé, guen-kann.
