Adlennet eo bet ar bajenn-mañ
— 230 —
SIMON-PIÈR
En nemb e rei d’oh é vuhé
Pesort gobr e hellou ean gortoz ?
JÉSUS
Dont e hrei
Un amzér ma veèt, a zeheu hag a glei,
É ranteleh me Zad azéet en dro d’ein
Hag er gloér — gloér hemp par en nean — doh hou kroñnein.
Israël nen des chet mui roué erbet : hui é
E vou, ar en deuzek tribu, er vistr, un dé.
SIMON-PIÈR
Mestr, ne hues chet hanùet nameit uinek ; sellet,
Tolpet omb en dro, d’oh.
JÉSUS
Perak ne dostes chet,
Judas ? El er réral eué galùet ous bet.
JUDAS
Chetu mé, Mestr.
JÉSUS
Mat ! — Eidoh hui, cheleuet !
Dont e hrei un amzér — tostat e hra — ma vou
Guerhet hou mestr.
EN APOSTOLED
Guerhet !
JÉSUS
Ia, unan er guerhou
Hag er lakei étré dehorn en dud eit ma
Vou lahet !
