Adlennet eo bet ar bajenn-mañ
— 20 —
Chom e hremb tostiktra de Vethléem. — Un noz
Ma oemb get hur loñned é kemér hur repoz
Ar er mézeu, chetu, én ébr ag en amzér,
A drest omb, éled guen ha groñnet a splandér
É neijal, é punein kentoh hag é laret :
« Gañnet é er Mési : kerhet ol d’er guélet. »
MÉALA
Ha guélet e hues ean ?
AZARIAS
Guélet hun es ean rah :
Ur hroèdur.
MÉALA
Ur hroèdur !
AZARIAS
Ia, ur hroèdur biskoah
Braùoh, étré divréh ur voéz iouank…
MÉALA
É vam ?
AZARIAS
É vam.
MÉALA
A !… Braù eué ?
AZARIAS
Ker braù ha ken divlam
Ma chomemb dirakti hemb laret gir erbet.
MÉALA, arlerh un herradig.
Emen é viùant ind bremen, tad-kouh ?
