Adlennet eo bet ar bajenn-mañ
— 192 —
SALOMÉ
Groñnet a splandér er pardon
En des reit t’oh er Mestr ! Me gleu hoah en dason
Ag é voéh, pe laras t’oh : « Moéz, hou péhedeu
E zou pardonnet ol. »
JUDAS
Ia, chetu é gonzeu.
Mes hag ind e zou bet kriù erhoalh eit gobér
Er peh e larent ?
SALOMÉ
O ! En diaul é e gleùér
Dré te vég ! Ne tes chet té-memb er chonjeu-sé !
JUDAS
Groeit em es, me lar d’oh, tuchant, ur fal huné.
Mes oeit é kuit… Klaskamb er Mestr, héliamb ean
Betak Jéruzalem… get en hirèh vrasan.
Soñnein e hrei kent pèl en ér en des choéjet
Eit streù er ranteleh e hortamb dré er bed.
Damb ar é lerh enta get konfians : arhoah,
Pe vou kriù, pe vou roué,… ni er harou guel hoah.
Mont e hra kuit.
SALOMÉ de Madelén.
Kerhet ketan, m’hou ped.
