Adlennet eo bet ar bajenn-mañ
— 190 —
SALOMÉ
Mat e vehé lakat
Deur doh é dal, deur fresk ; taùein e hrei en tan
E zou en é ben.
Monet e hra eit kemér deur.
JUDAS
Pas… pas get te zehorn glan.
Ne faut ket t’ein… Iah on… Chetu mé é me saù.
Me hel kemér endro me hent… Kerhet ataù
É me rauk.
MADELÉN
Mont e hret perchans èlomb eué
Betak Bethsaïda ?
JUDAS, get rustoni.
Petra e vern d’isté
En hent e gemérein… péhouréz ! Péhouréz,
Hag en dra-sé te sel ?
SALOMÉ
O ! Perak é konzes
Té dohti get kement a rustoni, Judas ?
Deit é de vout hun hoér en dé ma pardonnas
Er Mestr hé féhedeu dehi. En ol enta,
En hur mesk, e zeli bout mat dohti brema.
MADELÉN
Petra vern, Salomé !… Er ré pur a galon
E hra mat degas t’ein chonj ag er peh ma on :
Ur béhouréz…
