Adlennet eo bet ar bajenn-mañ
— 156 —
Ag en deur e ran mé, jamés nen devou mui
Séhed, hannéh ! Énnon, ur vamen e zeli
Disoh hag e daulou eit birhuikin deur biù.
Hemb en deur-sé, hañni ne hel bout iah na kriù.
HÉTHÉA
Deur biù ! Eit birhuikin ! Ra d’ein ag en deur-sé,
Rabbi… ha me vou kuit a zont amen bamdé
De lañnein me fod-doar… Un deur hag e rehé
D’en nemb e ivehé anehon er vuhé !
Più de glaskehé ket en deur-sé get hirrèh !
Un deur hag e rehé er iehed… hag er peah,
Guerhet e vehé kir !
JÉSUS
Ne me honprenès chet,
Kaer em es klah seùel ihuéloh te spered.
HÉTHÉA
Konz splannoh.
JÉSUS
Me gonzou splannoh, mes, de getan,
Ké de glah te zén d’ein.
HÉTHÉA, soéhet.
Men dén ?
JÉSUS
Ia… Konz e hran
Splann bremen.
HÉTHÉA
N’em es chet dén erbet.
