Adlennet eo bet ar bajenn-mañ
— 110 —
SIMON-PIÈR
Hañni.
JORAM hag HÉLONI.
Pas mé ataù.
SIMON-PIÈR
Groñnet oh a bep tu
Get er bobl : ne vern più, é tremén…
JÉSUS
Ur vertu
E zou oeit aben-kaer ér méz a’nan.
ZARA
Mé é.
Klan e oen a houdé deuzek vlé ; me chonjé :
« Mar gellan, é tostat dehon, touchein un tam
Ag é zillad, guelleit e vein ».
JÉSUS
Fé Abraham
Ne hellé bout kriùoh.
De Zara.
Guelleit ous… aveit mat !
JAÏR
Eutru, mar plij genoh cheleu peden un tad,
Hui e zei…
Jésus en héli.
UR SERVITOUR
Marù é, mestr : ne dalv ket mui er boén
Distroein en eutru-men ag é hent.
