Adlennet eo bet ar bajenn-mañ
— 104 —
Get un droug blaoahus, e zou reneuéet ;
Er ré bouar e gleu hag er ré varù, ieinet
Ag er pen d’er galon, e saù, lan a vuhé,
Hag er ré peur e gleu en aviél neué.
ISMAEL
Eutru, ni er larou de Iehann : kement-sé
E hrei dehon, en é brizon, konfort ha joé.
Um lakat e hrant ar ou deuhlin.
JÉSUS, en ur asten é zorn arnehé.
Saùet.
BENDÉKAR
Dré en diaul é é hra é vurhudeu.
SIMON-PIÈR
Skarhein e hra en diaul ean-memb ag er horveu
Neoah !
JÉSUS
Penaus en diaul e hel ean um lakat
Ean-memb ér méz a gorv un dén ?
SIMON-PIÈR
Ia.
JÉSUS
Labourat
E hra énep dehon enta !… Ne chonjet ket,
Mar dé en treu elsé, penaus é ma kollet
Ean hag é ranteleh ?… Laret ta é ma mat
Er huéen pen dé mat er fréh ; pen des fal had
