Adlennet eo bet ar bajenn-mañ
— 98 —
JÉSUS
Kansorted er Pried hag ind e hel iunein
Ha ouilein, tré men dé ean geté é predein ?
Pas ; dont e hrei un dé ma hei kuit er Pried.
Nezen é vou glahar é mesk é amied.
Ne stagér ket un tam mihér neué doh ur
Guskemant kouh ; hannen e rengehé.
SIMON-PIÈR
Ia sur.
JÉSUS
Hañni ne chonj lakat guin fresk é krehad kouh,
Rak torrein e hrehent get en nerh e zisoh
Ag er guin neué groeit ; mes hannen, er lakat
E hrér é sehiér lèr neué kovuet mat.
SIMON-PIÈR
Ha kement-sen e ven laret, mestr ?
JÉSUS
É ma ret
De beb-unan anoh kriùat hoah é spered.
Rè hoann é eit kemér ol er guirionéieu
Em es de ziskein d’oh.
BENDÉKAR
Lakamb… Mes en ardeu
E hret, ne vehé ket jaujaploh ou gobér
D’en obérad ?
ABDIAS
Fé ia.
