Pajenn:Barzaz Breiz 4e edition 1846 vol 2.djvu/34

Eus Wikimammenn
Sauter à la navigation Sauter à la recherche
Gwiriekaet eo bet ar bajenn-mañ



II


PAOTRED PLOUIEO.


(Ies Kerne.)


I.


Malloz d’ann heol, malloz d’al loar,
Malloz d’ar gliz a gouez d’ann douar !

Malloz d’ann douar, d’ann douar-Plouieou
A zo kiriek da wall-strifou,

A zo da wall-strifou kiriek
Tre ann otrou hag ann tiek ;

A lak ar strafil war ar mez,
A lak meur a hini diez,

Meur a zivab, hag intanvez,
Meur a vinour ha minourez,

Meur a gredur war ann henchou
Gad ho mamm, o skuilla daelou.

Malloz ru d’ann dudchentil-ker
A ra bec’h war al labourer ;

Tudchentil neo, rederien gall,
Ganet e korn eur park banal [1];

Pere na zell ket mui ouz Breiz
’Ged ouz koulm aer deut enn he neiz.

  1. C’est une façon de dire enfant naturel dans la langue bretonne.