Pajenn:Barzaz Breiz 4e edition 1846 vol 1.djvu/408

Eus Wikimammenn
Sauter à la navigation Sauter à la recherche
Adlennet eo bet ar bajenn-mañ
300


Ha pa oa al lizer lennet,
Tre he zaouarn deuz hen flastret,

Ha gand he zent deuz hen roget,
Ha gant treid he varc’h mac’hellet.

— Prim ! trezek Breiz ; primoc’h-ta, floc’h !
Pe me blanto va goaf enn hoc’h ! —

Ann otrou er ger pa erruaz,
Tri zol war ann nor-borz a reaz,

War ann nor-borz a reaz tri zol,
Ken a lakaz da grena ’nn holl.

Ar c’hloareg evel ma klevaz,
Da zigor ann nor a redaz :

— Petra ta, kloarek miliget,
M’boa ked roet d’id karg ma fried ! —

Ha planta he c’hoaf enn he vek,
Ma teuaz dre he choug ar bek.

Hag hen d’ann nec’h gand ann diri,
Ha tre e-barz kampr he hini,

Ha kent ma hellaz lavar ger,
Gand he glenv he zreuzaz e-berr.


VI.


— Otrou belek, d’in leveret,
Er c’hastel petra peuz gwelet.

— Me am euz gwelet eur c’hlac’har
Mar zo bet biskoaz war ann douar ;
 
Gwelet eur verzerez am euz,
Hag he merzener ’vont gand keuz.