Pa oa vont ’mez deuz ar porz,
Braz ha bihan a grie fors,
Bihan ha braz holl a wele ;
Nemed ar c’hloareg, hen na ree.
Ar c’hloarek trubard lavare
D’ann itron iaouang, eur beure :
Chetu ar bloavez achuet,
Kerkouls hag ar brezel, me gred ;
Chetu achuet ar brezel,
Ha na zistro ked d’ar c’hastel.
Leveret d’in, va c’hoar itron,
Pez a vad a venn ho kalon ?
Daoust hag eo deut ar c’hiz nevez,
Beo ann ozac’h, chom intanvez ?
— Ser da vek, kioarek milliget !
Leun eo da galon a bec’hed ;
Mar ve ma fried barz ann ti,
E dorfe d’id da izili. —
Ar c’hloarek pa’n deuz hi c’hlevet,
D’ar chas-si e-kuz ma eet,
Ki-red ann otrou neuz kavet,
He gouzoug en deuz kontellet.
Ha goude m’en deuz hen lazet,
Gand he wad en deveuz skrivet,
Skrivet en deveuz lizeriou
Da gas d’ann arme d’ann otrou :
