Pajenn:Barzaz Breiz 4e edition 1846 vol 1.djvu/386

Eus Wikimammenn
Sauter à la navigation Sauter à la recherche
Adlennet eo bet ar bajenn-mañ
278


Kaset oe doc’h ann dol er penn-kentan, da goania,
Ne deuz evet banne na debret eunn tamm bara.

Eet int d’he diwiskan d’he lakat enn he gwele,
Strinket deuz he gwalen, roget he seien neve ;

Ha kuit mez deuz ann ti, diskabel-kaer, da vale.
Lec’h ma eet da guhet den e-bed na oar doare. —


V.


Lahet ann holl c’holo, ha kousket mad tud ann ti ;
Ar plac’hik paour dihun, lec’h-all, ann derzien gant-hi.

— Na piou a zo aze ? — Me, Nola, da vreur-mager.
— Te a zo aze, te ! Te eo, te, ma breurik ker ! —

Hag hi da lamm er mez, ha kuit war lost he varc’h gwenn,
He brec’hig endro d’ean, enn he c’haonze dreon he gein.

— Ni ia buhan, ma breur ! Kant leo hon euz gret me gred !
Plijadur m’euz gen-oud m’am euz-me bet war ar bed.

Pell ma c’hoaz ti da vamm ? me garfe bean digouet.
— Dalc’h mad, ato, ma c’hoar, vo ket pell vimp erruet. —

Ar gaouen a dec’he, o ioual tre, dirag-he,
Kouls hag al loened gwez, gand ann trouz a oa gant-he.

— Da varc’h a zo ker reiz ; da harnez a zo ken skler !
Me gav anoud kresket eunn tamm mad, ma breur mager !