— Taolit d’i-me ar plac’h neve,
Da gas da welet d’am zud-me ;
Da gas d’am zud-me da welet ;
Bremaig e vinn distroet. —
Kaer oa gortoz ar plac’h neve,
Ar plac’h nevez na zistroe.
Pa oa sonerien ann ebad
O tont d’ar gear noz-divezad,
Setu ann aotrou braz fichet :
— C’hoari gaer er fest a zo bet ?
— C’hoari gaer awalc’h enn eured,
Med ar plac’h nevez zo kollet.
— Ar plac’h nevez a zo kollet ?
Ha c’hoant vez gan-e-hoc’h d’he gwelet ?
— C’hoant awalc’h hor be d’he gwelet,
Ma n’hor be poan na droug e-bed. —
Oa ked ho c’homz peurlavaret,
Pa oant gand ann aod digouezet ;
Ha gand eul lestr digemeret,
Hag ar mor braz a oa treuzet,
Lenn ann Anken hag ann Eskern,
Ha pa oant e toull ann ifern.
— Setu sonerien hoc’h eured
A zo deut evid ho kwelet.
Petra refac’h d’ann dud vad-ma,
A zo deut d’ho kwelet ama ?
