Ha neuze pa lammo foll ha ter,
C’hui lakai ho koaf d’hen digemer.
Dre nerz ko tiou vrec’h hag ann Drinded ;
Ho koaf enn ho torn na vreo ket. —
He c’hoaf enn he zorn na vreaz ket,
Dre nerz he ziou vrec’h hag ann Drinded !
He c’hoaf enn he zaouarn na flache,
Pa varc’heke ’nn eil deuz egile ;
Pa varc’hekent er zal, tal-oc’h-tal ;
Beg-oc’h-beg ho goafou herrus-dall ;
Herrus-dall ho c’hezeg o froennat,
O’n em danta ken a strinke goad ;
Ar roue gall, hag hen kadoret,
Gand he dudchentil-veur o sellet,
O sellet hag o lavaret : « Dalc’h,
Dalc’h mad ! morvran du ! gra gand ar voualc’h ! »
Pa lamme gant-han a ronf ken ter
Evel ann tourmant gand al lester.
He c’hoaf enn he zorn na flachaz ket ;
Goaf ar Morian brevi e deuz gret.
Ken a oa goaf ar ronf skiriennet,
Hag hen enn eunn tol skarz divarc’het ;
Ha pa oant war droad war al leur-zi
Diarbenna reont gand distalm kri ;
Ha gand ar c’hleze en em fustont
Ken a grene ’r vuriou gand ar spont ;
