Adlennet eo bet ar bajenn-mañ
— Da ve gen-hoc’h-hu, paotr a Vreiz
Diwall al loar demeuz ar bleiz ?
Leket evez, ma em c’hredet, — sellet,—
Ober a reot mar n’ec’h euz gret ;
Leket evez d’ho prud, otrou,
Miret ho neiz deuz ar goukou.
— Ma e-leal am c’helennet, — itron —
Bremaig hi a vo bac’het ;
E-barz ann tour krenn vo laket,
Hag a-benn tride vo devet.
III
Ar roue koz dal ’m’a glevaz — ar vrud —
Leiz he galon goela ’reaz
Ha sachat deuz bleo gwenn he benn ;
— Goa me ! goa me ! dre ma onn hen ! —
Ar roue koz a c’houlenne — paour kez ! —
Gand ar verdaidi neuze :
— Merdaidi, na nac’het ket :
Daoust hag ema va merc’h devet ?
