Hennes eo viç an dut savant,
Caout vanite eus e sqiant.
An Doctor.
Va buguelic, fouetet e viot,
Rac re liger oc’h a deot.
Ar Buguel.
Mar bezàn fouetet, me so sur
Nep am foueto na vo qet fur ;
Perac fouetta ur buguel qes,
Rac ma lavar ar virionez ?
An Doctor.
Ar virionez a so cassaüs.
Ar Buguel.
Ia da nep a so cablus.
Ret eo lezel nep en deus gal
D’en em gravat ha da c’hrognal.
Nep a gundu goal vuez,
A vezo flêmet alies.
Parlant a rit ous fouetta ;
Fouettit oc’h azen da guenta,
Ha miret o sqiant ganeoc’h,
Me gavo guell Mestr eguedoc’h.
